Partia Socialiste e Shqipërisë kërkon zyrtarisht të regjistrohet në zgjedhjet vendore të 14 majit.
Në institucionin e KQZ ka mbërritur kërkesa zyrtare e firmosur nga Sekretari për Çështjet Ligjore dhe Zgjedhore në PS Eridian Salianji, ku kërkohet regjistrimi i këtij subjekti.
Në ditët në vijim pritet dhe mbledhja e Komisionit Qendror të Zgjedhjeve për miratimin formal të kësaj kërkese.
Ndërkohë, pritet kur do të regjistrohet në zgjedhje Partia Demokratike pasi Apeli vendosi të rrëzojë vendimin e Agron Zhukrit që i jepte ‘vulën’ Berishës. Megjithatë, ish kryeministri ka bërë me dije se nuk do të mungojë në zgjedhjet e 14 majit pasi do të futet me logon e Partisë e Lirisë.
Një ditë para protestës së 3 marsit, Partia e kryesuar nga Ilir Meta u regjistrua në KQZ. Meta ka një marrëveshje me Rithemelimin e Berishës për bashkëpunim në zgjedhjet lokale të 14 majit, duke dalë me kandidatë të përbashkët për bashkitë e vendit, të zgjedhur nga primaret e mbajtura.
