Ditën e sotme Këshilli i Lartë i Prokurorisë, KLP është mbledhur për të zgjedhur drejtuesin e ri. Ndërkohë raportohet se është zgjedhur Mirela Bogdani si kryetarja e re e KLP-së. Kjo mbledhje është zhvilluar pak kohë pas shkarkimit të Alfred Ballës dhe përjashtimit me 15 vite nga drejtësia. Në garën për të marrë drejtimin ishte vetëm Mirela Bogdani e cila fitoi postin.
Bogdani para se të merrte postin tha se nëse do jetë kryetare e KLP-së do të bashkëpunojë me ndërkombëtarët dhe do të bashkërendojë me institucionet e tjera me drejtësinë.
“Për mua është tepër e rëndësishme puna me partnerët ndërkombëtarë, që kanë insistuar punën e Këshillit të Lartë të Prokurorisë dhe kanë vijuar mbështetjen. Do të vijoj punën me të gjitha institucionet e tjera të drejtësisë. Do të punoj për rregullimin e infrastrukturës të zyrave të KLP. Një fokus tjetër do të jetë bashkëpunimi me KLGJ, bashkëpunimi me Inspektorin e Lartë të Drejtësisë dhe me shkollën e magjistraturës.
Synoj të reformoj sistemin gjyqësor. Dëshiroj të përmbush të gjitha kushtet që ka vendosiur BE, me qëllim që drejtësia në vend të bëjë përpara. Synoj të rris edhe nivelin e kapaciteteve njerëzore, ku do të merren parasysh kriteret e meritokracisë dhe standardeve ndërkombëtare, ashtu edhe t’i jap rëndësi statusit të nëpunësit civil. Një pikë tjetër është edhe etika, që të ketë jetësim tjetër standardi”, tha Bogdani.
j.l./ dita
