Prej afro një muaji, Leonard Thodhori dhe Fatmir Sulovari alias Fatmir Krasniqi rezultojnë ende të zhdukur në Sarandë. Duke mos pasur asnjë njoftim për fatin e dy të zhdukurve, familjarët e tyre kanë dalë në protestër para Drejtorisë së Policisë së Shtetit gjatë ditës së sotme, duke i kërkuar kësaj të fundit intensifikimin e kërkimeve.
Me foto e tyre në duar, familjaret kërkojnë që policia të gjejë të paktën trupat e familjarëve të tyre, pasi shpresat që të jenë gjallë për ta janë të pakta.
“Duam trupat e tyre. Shteti nuk po punon ashtu siç duhet. Është 26 ditë, po shkon një muaj. Nuk kemi asnjë komunikim. Asnjë gjë, duam që shteti të gjejë trupat. Nuk ka lidhje konflikti i pronësisë. Po të kishte konflikte nipi im, s’do dilte lirshëm. Kemi ardhur për protestë paqësore këtu. Shteti të gjejë trupat dhe të kapë autorët”, tha Kujtim Krasniqi, xhaxhai i Sulovarit.
“Nëse kanë vdekur të paktën të na thonë dhe t’u hedhim një dorë dhe”, thotë një tjetër i afërm tjetër.
Leonard Thodhori dhe Fatmir Sulovari alias Fatmir Krasniqi, janë denoncuar të zhdukur nga familjarët që më 12 prill 2023. Ata nuk janë emra të panjohur për policinë, pasi janë persona me precedentë të mëparshëm penal.
45-vjeçari Fatmir Sulovari alias Fatmir Krasniqi ka qenë i dënuar më parë për “armëmbajtje pa leje” dhe “plagosja e lehte me dashje”. Gjithashtu në prill të 2022, ai është arrestuar në Lushnje, pasi në mjetin e tij “BMË” X5 u gjet një sasi kanabis e ndarë në doza gati për shitje.
Edhe 52-vjeçari Leonard Thodhori i njohur si “Koçole” nuk është një emër i panjohur për policinë. Ai dyshohet se ka qenë pjesëmarrës edhe në Masakrën e Qafe-Gjashtës në vitin 1997 ku u vra oficeri i policisë Gjergj Mehmeti. Ai është arrestuar edhe për “moskallëzim krimi” lidhur me një ngjarje të kryer nga Andrea Gjini, i cili ka vrarë biznesmenin Jaho Bajo. Veprat penale që rëndojnë ndaj tij janë që nga “vjedhja” e “mashtrimi” të trafiku i drogës.
p.k\dita
