Pas zjarrit të rënë në pallatin 9-katësh në zonën e ish-“Parkut të autobusëve” në Tiranë, janë shoqëruar në polici administratori i pallatit dhe mjeku që kishte banesën ku besohet se ka nisur vatra e flakëve.
Ata po merren në pyetje për të sqaruar rrethanat se si ka nisur zjarri. Burime nga zjarrfikëset bënë me dije se dyshimet janë që zjarri të ketë nisur në katin e fundit, aty ku ndodhet edhe dupleksi.
Akoma i paqartë shkaku, por paraprakisht mendohet të jetë shkaktuar nga ndonjë elektro-shtëpiake. Nesër në mëngjes pritet të ketë një ekspertizë paraprake në lidhje me shkakun e saktë.
