Presidenti i Rusisë, Vladimir Putin do të mbajë një ceremoni nënshkrimi nesër (e premte) për të aneksuar zyrtarisht 4 zona të tjera të Ukrainës pas referendumeve të dënuara nga Ukraina dhe Perëndimi si një mashtrim. Zyrtarët e mbështetur nga Rusia kishin pohuar më parë se zgjedhet pesë-ditore siguruan mbështetje pothuajse totale popullore.
BBC News raporton se Presidenti rus do të mbajë një fjalim të madh në Kremlin. Një skenë tashmë është ngritur në Sheshin e Kuq të Moskës, me tabela që shpallin katër rajonet si pjesë të Rusisë.
Pati jehonë të aneksimit të Krimesë nga Rusia në 2014, gjë e cila gjithashtu pasoi një referendum të tillë dhe u paralajmërua nga një fjalim i fitores presidenciale nga një skenë.
Të ashtuquajturat votime u mbajtën në Luhansk dhe Donetsk në lindje dhe në Zaporizhzhia dhe Kherson në jug. Nuk u zhvillua asnjë monitorim i pavarur i procesit dhe kishte raporte për zyrtarë zgjedhorë që shkonin derë më derë të shoqëruar nga ushtarë të armatosur.
SHBA-ja ka thënë se do të vendosë sanksione ndaj Rusisë për shkak të referendumeve dhe vendet anëtare të BE-së po shqyrtojnë një raund të tetë masash.
a.m/dita
