Kryetari i Grupit Parlamentar të Partisë Socialiste Taulant Ballaka folur sot për 21 janarin e 2011-tës, vrasjen e 4 protestuesve para godinës së kryeministrisë gjatë kohës kur kryeministër ishte Sali Berisha.
Balla nga Roskoveci i ka bërë thirrje Prokurorisë së Pergjithshme dhe Prokurorisë së Tiranës që dosjen e vrasjes së Aleks Nikes më 21 Janar t’ja kalojë SPAK-ut.
“Nesër përkujtojmë 12 vjetorin e masakrës të bulevardit dhe të vrasjes së katër dëshmorëve të këtij vendi në protestën e 21 janarit 2011. Dua të theksoj se dosja në ngarkim të zyrtarëve më të lartë të asaj kohe, jo vetëm gardës së Republikës, jo vetëm Ministrisë së Brendshme por edhe atyre në krye të qeverisë, fakti është që një prej katër dëshmorëve Aleks Nika dosja e vrasjes së të cilit është një dosje e pa mbyllur. Familjarët e tij dhe unë gjithashtu i jemi drejtuar disa herë Prokurorisë së Përgjithshme, Prokurorisë së Tiranës, SPAK-ut për të kërkuar që elementë të reja që kanë dalë në këtë dosje të hetohen. Fakti është që ka patur dëmtime me dashje të provave gjatë vitit 2011 qoftë nga predha e gjendur në trupin e e të ndjerit por edhe elementë të tjera dhe që në vlerësimin tim edhe apeli im është që në 12 vjetorin e këtij krimi, dosja në ngarkim të personave të përfshirë në vrasjen e Aleks Nikës dhe ky krim të mos hetohet më nga Prokuroria e Tiranës por ti kalojë SPAK-ut”- shprehet Balla për Top News.
Ai tha se me këtë çështje duhej të merrej vetë Prokuroria e Posaçme sepse personat e përfshirë në atë që e quan ‘krim shtetëror’, hyjnë në juridiksionin e SPAK.
“Arsyeja është shumë e thjeshtë, personat e përfshirë në këtë krim shtetëror që i mori jetë 4 qytetarëve dhe u plagosën dhjetëra, janë persona që hyjnë në juridiksionin e Prokurorisë Speciale. 21 Janari është korrupsion, pra qytetarët shqiptarë dolën në bulevard për të kundërshtuar korrupsionin e asaj kohe, dhe në këtë këndvështrim unë mendoj që Prokuroria nuk duhet të rrijë duar kryq. Theksoj edhe njëherë që dosja e 21 janarit në rastin e vrasjes së Aleks Nikës nuk duhet të vazhdojë të mbetet më nëpër sirtaret e Prokurorisë së Tiranës por duhet t’i kalojë Prokurorisë Speciale Antikorrupsion”- përfundoi Balla.
o.j/dita
Leri mor thirrjet ti,TELLALL!Nuk kemi nevoje per tellall,.Bej dosjen me akuza dhe dergoje ne SPAK.
kETE BEJ TI.
Vrasjet me dashje dhe te cilesuara.Ndrea Prendi duhet arrestuar dhe akuzuar i pari per keto krime naziste,te shohim a do tregoje kush e urdheroi te gjakose ,pra te vrase.
Shko mor qelbesire per cfare 21 janar flet? Juve ju kapen e edhe pastrueset me 500 mije euro kesh imagjino ministrat. Apo harrove qe ne 2016 minstrave te tu ju vodhen ne shtepira 1.2 milione euro?! Sa per 21 janarin mos harro se Meten e bete edhe kryetar parlamenti edhe president. Mos luani me gjak shqiptari.
E vetmja gje qe mund te beni ju eshte qe ç’do21 Janar te kerkoni qe te zbardhetçeshtja dhe te dergoni lule.