Gjatë një interviste televizive, deputeti socialist Blendi Klosi thotë se provat “e nxehta” që disponon PS sa i takon çështjes së 21 janarit, tregojë qartë se ccfarë ka ndodhur më 21 janar 2011.
Sipas tij ka audio në të cilat tregohet si u dha urdhri për të qëlluar.
“Ne po i kërkojmë drejtësinë që të gjykojë. I drejtohemi drejtësisë që të hetojë këtë fakt të ri, sepse nuk është një fakt që del jashtë një konteksti që ne të gjithë e dimë. Është një fakt i cili del mbi një bazë reale të jetuar, të parë, të vëzhguar, të dëgjuar. Kemi qenë të gjithë atje, nuk është një ngjarje që ka ndodhur diku larg. Ne të gjithë e dimë që kjo ka ndodhur. Sot kemi dhe me voice, mbase mund të kemi dhe më shumë se voice për të kuptuar se si është dhënë urdhri për të qëlluar dhe pse është dhënë urdhri për të qëlluar,” – u shpreh Klosi.
