Notarja Eva Buzo, e cila u nis me not mëngjesin e djeshëm nga Otranto në Vlorë, ka shfaqur problemet e para.
Prej rreth 27 orësh në det, notarja mësohet se nuk mund të flasë, pasi gjuha i është ënjtur për shkak se ka kripë të tepërt në pjesën e gojës.
Aktualisht, ndodhet disa milje larg Karaburunit, në det të hapur dhe është duke u monitoruar gjendja e saj.
Avokatja shqiptare po vijon sfidën e saj dhe në asnjë moment nuk i është afruar varkës që po e ndjek në rrugëtimin e saj drejt Vlorës, për të kërkuar ndihmë.
Eva ka vijuar pa ndërprerje notin edhe gjatë orëve të natës dhe pritet që në orët e mbrëmjes të mbërrijë në brigjet e Vlorës.
j.l./ dita