Një 28-vjeçar shqiptar ka rënë në prangat e policisë italiane pasi ka dhunuar bashkëshorten e tij. Ngjarja është shënuar në provincën Caserta, ku 28-vjeçari shqiptar ka dhunuar fizikisht me grushte bashkëjetuesen 38-vjeçare dhe ka rrëmbyer fëmijën 1-vjeçe duke tentuar të largohet në Shqipëri.
“Do iki në Shqipëri, nuk ke për ta parë më kurrë vajzën” – i ka thënë ai 38-vjeçares para se të largohej. Mediat italiane raportojnë se gruaja ka njoftuar policinë, të cilët e kanë gjetur shqiptarin te shtëpia e një të afërmi.
Ai është çuar në paraburgim, ndërsa ka rezultuar se dy vite më parë ka qenë i dënuar pësëri për dhunë në familje.
p.c. / dita
