Në përvjetorin e vrasjes së gjyqtarit Giovanni Falcone është hapur një muze në Palermo të Siçilisë.
Mediat e huaja raportojnë se muzeu i ri, i është kushtuar Giovanni Falcone dhe gjyqtarit Paolo Borcellino, të vrarë nga mafia brenda 57 ditëve nga njëri-tjetri.
Në përvjetorin e tridhjetë të masakrave mafioze në Itali që prekën në mënyrë dramatike komunitetet e Firences, Milanos dhe Romës dhe që synonin bukurinë e madhe të trashëgimisë kulturore të vendit, Fondacioni Falcone është angazhuar në projektimin dhe ndërtimin e muzeut. Muzeu është një hapësirë e re kushtuar Giovanni Falcone dhe Paolo Borsellino, të gjithë viktimave të mafias.
Fondacioni themeluar nga Maria Falcone, motra e gjyqtarit të vrarë tha në një deklaratë se sipërmarrja e fundit e fondacionit “nuk do të jetë vetëm një muze, por edhe një vend dinamik ku njerëzit mund të bashkohen”.
“Studentët dhe të rinjtë do të jenë protagonistët kryesorë të asaj që shpresojmë të bëhet një muze interaktiv dhe narrativ jo vetëm për shkak të historisë por të cilësohet edhe si një vend mikpritjeje dhe reflektimi për turistët, bizneset dhe qytetarët”, u shpreh kryetari i bashkisë së Palermos, Roberto Lagala.
j.l./ dita