Afro 34 raketa u lëshuan sot nga Libani jugor drejt Izraelit pasi grupi Hezbollah i mbështetur nga Irani, iu kundërpërgjigj një bastisje të policisë izraelite në xhaminë Al-Aqsa të Jerusalemit. Ata u zotuan se do të merrnin “të gjitha masa për të penguar armikun”. Zyrtarët izraelitë thonë se vetëm pesë nga raketat kaluan sistemin mbrojtës të Kupolës së Hekurt të shtetit hebre, ku dy persona pësuan lëndime.
Qendra Mjekësore e Galilesë njoftoi se një 26-vjeçar po trajtohej pasi ishte goditur nga predha teksa drejtonte një motoçikletë dhe një 19-vjeçar i goditur nga copëza gjatë vozitjes. Ky ishte sulmi më i madh që nga viti 2006 kur Hezbollahu hodhi mijëra raketa në Izrael gjatë një konflikti 34-ditor.
Forcat e Mbrojtjes së Izraelit nuk e kanë konfirmuar ende zyrtarisht numrin e përgjithshëm të raketave të lëshuara në sulmin e së enjtes. Hezbollahu, të cilin SHBA-ja e cilësoi si një organizatë terroriste në vitin 1997, i ka vazhduar sulmet me raketa ndaj Izraelit për gati dy dekada pasi IDF u tërhoq nga Libani jugor. Presidenti turk, Recep Tayyip Erdogan ka paralajmëruar se shtetit izraelit do ta paguajë shtrenjtë për sulmet që po i bën ndaj palestinezëve të pafajshëm.
m.b./dita
