Një 14-vjeçar është kapur në flagrancë nga Policia e Fierit. I mituri tentoi të vidhte një makinë. Uniformat blu njoftuan se ndërhynë sapo morën një njoftim për vjedhjen e një automjeti. Kur shkuan në lagjen “11 Janari” u përballën me të papriturën.
Në drejtimin e makinës ishte 14-vjeçari që po tentonte të largohej me mjetin e vjedhur.
“Veprimet procedurale me 14-vjeçarin janë kryer në prani të avokatit, psikologut, punonjëses së NJMF-së dhe kujdestarit ligjor të 14-vjeçarit”, njoftoi policia.
Hetimet e thelluara zbuluan se në fakt 14-vjeçari nuk vepronte i vetëm. Bashkë me dy shokë të tij, dy të mitur po ashtu, e të proceduar penalisht më parë kanë vjedhur gjatë muajit Gusht dhe Shtator 3 makina.
Policia po vijon hetimet për të zbardhur vjedhje të tjera që mund të kenë kryer të miturit. Po ashtu, janë sekuestruar të 4 makina e grabitura
