Një 41-vjeçar është mbytur në liqenin e Belshit.
Policia njofton se pas marrjes së njoftimit, kanë shkuar menjëherë në vendngjarje dhe më pas kanë bërë të mundur nxjerrjen e trupit të pajetë.
Sipas deklarimeve të familjarëve, viktima vuante nga problemet e shëndetit mendor.
Njoftimi i policisë
Rreth orës 12:30, është marrë njoftim se dyshohej se një shtetas ishte mbytur në liqenin e Belshit.
Menjëherë pas njoftimit, shërbimet e Policisë kanë shkuar në adresën e dhënë, dhe në bashkëpunim me shërbimet zjarrfikëse, kanë bërë të mundur nxjerrjen nga ky liqen, të trupit të pajetë të shtetasit F. Xh., 41 vjeç, i cili sipas deklarimeve të familjarëve, vuan nga probleme të shëndetit mendor.
Nga këqyrja paraprake e trupit nuk janë konstatuar shenja dhune.
Grupi hetimor vijon punën për zbardhjen e plotë të rrethanave të kësaj ngjarjeje.
p.k\dita
