Për t’ju shpëtuar kontrolleve të policisë dhe gjobave në të gjithë vendin, disa persona kishin krijuar një grup WhatsApp dhe sinjalizonin njëri-tjetrin aty ku ishin ngritur pika kontrolli apo ku ishin pozicionuar radarët e rrugores.
Grupi ishte aktiv prej gati dy vitesh dhe pak ditë më parë u zbulua nga Seksioni për Krimin Ekonomiko Financiar, në Policinë e Tiranës.
Administratorë të grupit ishin tre të rinj, dy djem nga Tirana dhe një nga Fushë-Kruja.
Ata u proceduan në gjendje të lirë për veprën penale veprime që pengojnë zbulimin
e së vërtetës.
Pasi u morën në pyetje, tre djemtë kanë pohuar se grupi që mbante emrin “Radari”, ishte hapur prej tyre për t’ju shmangur radarëve të Policisë Rrugore, pasi kanë pasion shpejtësinë.
Numri i anëtareve të grupit u rrit dita-ditës. Kur policia ra në gjurmët e tij, ishin më shumë se 500 anëtarë.
Pjesa më e madhe nuk kishin njohje me njëri-tjetrin. Ata ishin nga qytete të ndryshme të Shqipërisë dhe në grupin e WhatsApp informonin për ve ndodhjet e të gjitha shërbimeve të policisë që konstatoheshin në rrugë. Informacioni ishte i detajuar, që nga radarët, numri i forcave në postbllok apo edhe kontrollet e lëvizshme në rrugë.
Anëtarët kishin rënë dakord që të mos dërgohej asnjë foto apo video në grup, por vetëm informacionet, si përshembull, “në Tiranë-Durrës ka radarë”, apo “tek ‘Teg-u’ janë ‘Shqiponjat’”.
Edhe pse tre të rinjtë kanë deklaruar se kjo gjë është bërë vetëm për t’ju shmangur gjobave, grupi hetimor dyshon se një pjesë e anëtarëve lëviznin me sende të paligjshme si drogë apo armë dhe e kanë përdorur grupin për t’ju shmangur kontrolleve.
o.j/dita
…. dhe kjo bande do te gjykohet ne gjendje te lire?
Po burgjet jane per fukarenjte qe vjedhin energji elektrike se nuk kane para per t’a paguar.
Kjo eshte Padrejtesia e rinovuar.
Ne gjermani Radio njofton vet vendet ku jane Radaret e policise.Njoftimet vijne legal nga qytetaret pa fshehur emrat direkt ne Radio!
Ngrihen grupe në whatsapp kur duhet që policia rrugore të tregojë vetë ku është vendosur dhe të jetë sa më e dukshme dhe e pranishme në rrugë. Qëllimi i saj është parandalimi dhe jo gjobitja.
Të rishikojnë punën dhe profesionalizmin në shërbim se rritja e skajshme e ndëshkimeve nuk është në raport të drejtë me pakësimin e aksidenteve.
Duket sikur kërkojnë rast për të gjobitur.
Sme duket ndonje veper penale. Te informosh mbi ceshte e dukshme ne rruge seshte shkelje ligji.
Duhet pare sinjalistika rrugore se ka kufizime shpejtesie dhe vija te panderprera vend e pa vend dhe anasjellats.