Në vigjilje të Epopesë së UÇK-së dhe 5 Marsit, Ditës së Kazermës “Adem Jashari”, forcat e Sigurisë së Kosovës (FSK) kanë realizuar në poligon portretin e Komandantit Legjendar Adem Jashari.
Përmes një statusi në rrjetin social në Facebook në faqen zyrtare të Ministrisë së Mbrojtjes së Republikës së Kosovës, shkruhet se 820 ushtarë të FSK-së, kanë realizuar në poligonin e kazermës, ideuar nga piktori Besart Gashi dhe realizuar nga nënoficeri, Vesel Raci.
“820 ushtarë të FSK-së realizojnë në poligon portretin e Komandantit Legjendar Adem Jashari. Në vigjilie të Epopesë së UÇK-së dhe 5 Marsit- Ditës së Kazermës ” Adem Jashari”, 820 ushtarë të FSK-së, në poligonin e kazermës, realizuan portretin e Komandantit Legjendar, Adem Jashari, ideuar nga artisti ynë, piktori i njohur Besart Gashi dhe realizuar nga nënoficeri ynë, Vesel Raci”, shkruhet në profilin e Ministrisë së Mbrojtjes në Facebook.
m.b./dita
