A do jesh në zyrë më 12 nëntor? Rama: E papranueshme kjo gjuhë

I ftuar në Report Tv me gazetarin Sokol Balla, kryeministri Rama u pyet nëse do të qëndrojë në zyrë për protestën e 12 nëntorit të paralajmëruar nga PD-ja.

Rama tha se Shqipëria është vend anëtar i NATO-s dhe kjo gjuhë është e papranueshme.

“Këta e mendojnë raportin me përfaqësimin dhe mandatin qeverisë si një raport me paralajmërime dhe kërcënimesh në këto kohë që është shumë specifike për të gjithë bashkësinë euro atlantike të cilës i përkasin. Këta meritojnë neveri dhe asgjë tjetër. Janë thjesht ferra në këmbët e Shqipërisë dhe shqiptarëve”, i komentoi Rama deklaratat e opozitës.

“Nuk jemi këtu duke shkruar këngën e re të Oso Kukës por jemi në një vend anëtar i NATO-s dhe nuk mund të mendohet në këto terma që ‘a do jesh ti në kullë kur të vijë hasmi apo do ia lësh hasmit’. Kjo gjuhë është e papranueshme”.

a.m/dita