Shkencëtarët japin arsyet se çfarë i ndodh trupit tonë kur teshtijmë dhe pse ndodh teshtima. Sipas shkencës një irritim i bezdisshëm në hundë, çon shpesh në tre teshtima rresht.
Shkencëtarët shpjegojnë se teshtima është një nxjerrje e fuqishme e ajrit nga mushkëritë, për shkak të një presioni me 160km/h dhe që nxjerr jashtë 2000 deri në 5000 baktere.
Kjo ndodh si pasojë e një alergjie apo irritimi të caktuar.
Si funksionon teshtima?
Trupi ynë është një makineri mahnitëse. Praktikisht ne kemi një nerv, nervin trigemin, i ndërtuar nga fibra të ndjeshme, të cilat arrijnë mukozën e hundës, të cilët kur stimulohen nga agjentë të jashtëm aktivizohen dhe dërgojnë sinjale në muskuj si diafragma, laringu dhe faringu. Këto reagojnë me një presion të fuqishëm, përmes teshtimës.
Por pse ndodhin tre teshtima?
Për të shpëtuar nga “agjenti irritues”, pikë së pari duhet boshatisur hunda nga situata ekzistuese (teshtima e parë), më pas duhet afruar agjenti në hundë (teshtima e dytë) dhe më pas duhet nxjerrë jashtë (teshtima e tretë).
Nuk duhet ndaluar teshtima që është në progres. Sipas mendimit të Alan Wildit, kirurg i qafës dhe i kokës dhe profesor i otorinolaringologjisë në Fakultetin e Mjekësisë në Saint Louis, nuk rekomandohet të shërbeheni me asnjë metodë për ndaljen e teshtimës. Bëhet fjalë për shtrëngimin e hundës ose të ashtuquajturës teshtitje me buzë të mbyllura.
Megjithatë, është e rëndësishme të bëhet dallimi mes nxitjes për të teshtirë dhe vetëteshtitjes. Fërkimi i hundës, frymëmarrja e thellë përmes hundës dhe shtypja e buzës së sipërme nën hundë mund të shmang nevojën për teshtitje, por vetë procesi i teshtitjes nuk ka shumë gjasa të ndërpritet pasi të ketë filluar njëherë.
j.l./ dita
