Një 32-vjeçar është arrestuar nga blutë e Durrësit pasi abuzoi seksualisht me një 19-vjeçare.
Nga të dhënat paraprake bëhet me dije se “Specialistët për Hetimin e Krimeve të Stacionit të Policisë Plazh arrestuan në flagrancë shtetasin F. O., 32 vjeç, banues në Kuçovë, pasi një 19-vjeçare ka kallëzuar se ky shtetas ka kryer marrëdhënie seksuale me dhunë, me të, në ambientet e një banese të marrë me qira prej tij”.
Nga kontrolli i kryer në këtë banesë, policia gjeti dhe sekuestroi në cilësinë e provës materiale, një dozë të dyshuar të lëndës narkotike kanabis sativa. Ndërkaq, vijojnë hetimet për dokumentimin ligjërisht të rastit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
p.k\dita
