Gjykata ka vendosur se cili do të jetë administratori i Inceneratorit të sekuestruar të Tiranës deri në përfundim të procesit gjyqësor.
Gjykata e Posaçme emëroi në këtë detyre Arjan Baçin.
Baçi në një dalje për mediat tha se bashkitë e qarkut të Tiranës janë të gjitha debitore tek Shoqëria që administron Inceneratorin e Tiranës.
“Prej tre muajsh bashkitë e qarkut të Tiranës nuk kanë paguar për procesin e depozitimit të mbetjeve. Administrimi nga shteti do të bëhet me qëllim vijimin e punës për pastrimin e mbetjeve në çdo bashki”, u shpreh Arjan Baci, i caktuar nga GJKKO, si administrator shtetëror i Inceneratorit të Tiranës, i vendosur nën sekuestro pas hetimeve të hapura pak kohë më parë.
p.k\dita
