Një aksident i rëndë është regjistruar pasditen e kësaj të diele në Tiranë.
Në zonën afër Kryeministrisë, një mjeti tip Benz, ka përplasur një çift në trotuar.
Mësohet se makina me shpejtësi, ka dalë nga rruga dhe ka përplasur çiftin që po ecnin përgjatë trotuarit.
Çifti është transportuar në spital, ndërsa mësohet se gjendja e vajzës është kritike.
Jorgaq Thengjilli, 21 vjeç është personi i cili shkaktoi aksidentin.
21-vjeçari kishte marrë më herët plot 20 gjoba për shpejtësi tej limiteve.
Specialistët e Komisariatit të Policisë Rrugore Tiranë e arrestuan për veprën penale “Shkelja e rregullave të qarkullimit rrugor”.
a.c./dita
