Dy shtetas të huaj janë përfshirë në një aksident rrugor në afërsi të plazhit të Llamanit në Himarë.
Policia bën me dije se një shtetase angleze, duke drejtuar një makinë, është përplasur me një motor që drejtohej nga një shtetas austriak.
Nga përplasja, ka mbetur e plagosur një shtetase franceze që ishte në motor me austriakun, por për fat të mirë është jashtë rrezikut për jetën.
Informacion paraprak nga Policia:
Rreth orës 17:45, në vendin e quajtur “Llaman”, Himarë, automjeti tip “Volkswagen” me drejtuese shtetasen angleze J. A., 44 vjeçe, është përplasur me motomjetin me drejtues shtetasin austriak F. W., 31 vjeç.
Si pasojë e përplasjes, është dëmtuar në këmbë pasagjerja në motomjet shtetasja franceze P. V., 27 vjeçe, e cila u dërgua për ndihmë mjekësore në spital dhe është jashtë rrezikut për jetën.
Grupi hetimor në drejtimin e prokurorit ndodhet në vendngjarje dhe po punon për sqarimin e rrethanave, përcaktimin e saktë të shkakut të përplasjes dhe për dokumentimin ligjor të këtij rasti.
o.j/dita
