Një aksident është regjistruar në aksin e rrugës rurale Mirakë -Polis Vilan. Mësohet se një automjet ka dalë nga rruga dhe ka përfunduar në humnerë. Ngjarja raportohet se ka ndodhur rreth orës 16:10 minuta.
Automjeti pasi ka dalë jashtë rruga, është rrokullisur dhjetëra metra dhe ka përfunduar në humnerë. Dyshohet se në automjetin e përfshirë në aksident po udhëtonin të paktën katër persona së bashku me drejtuesin.
Në vendin e ngjarjes janë nisur shërbimet e policisë rrugore, dy autoambulanca me staf mjekësor dhe një grup shërbimi i mbrojtjes nga zjarri dhe shpëtimit. Burimepër mediat bëjnë me dije se gjendja e personave të aksidentuar konstatohet se është jashtë rrezikut për jetën.
Njoftimi i plotë:
Elbasan/Informacion paraprak
Në fshatin Polis Vila, automjeti me drejtues shtetasin R. B., ka dalë nga rruga.
Për pasojë janë dëmtuar 4 shtetas që udhëtonin në këtë automjet, të cilët po transportohen me ambulancë për ndihmë mjekësore dhe janë jashtë rrezikut për jetën. Grupi hetimor vijon punën për përcaktimin e rrethanave të aksidentit.
i.b./dita
