Turqia nuk gjen paqe këtë të shtunë. Një kamion ka përplasur mjekët e ndihmës së parë qe po asistonin viktimat e një aksidenti duke shkaktuar të vrarë e të plagosur.
Mediat raportojnë se kamioni përplasi grupin e njerëzve që po mblidhnin veten vetëm pak minuta pasi një tjetër kamion ishte përplasur me dy automjete.
Ngjarja e rëndë ka ndodhur në distriktin juglindor të Turqisë, Mardin.
Për pasojë, tetë persona kanë humbur jetën dhe një numër i madh qytetarësh të tjerë kanë mbetur të lënduar.
Fillimisht, pranë një karburanti, një kamioni gjysmë-rimorkio nuk i punuan frenat dhe pasi u rrotullua dy herë, u përplas me dy automjete të tjera.
Kamioni tjetër që vinte nga pas goditi ekipin e parë mjekësor dhe qytetarët e mbledhur në vendin e ngjarjes.
Mes viktimave kishte dhe fëmijë.
Është e habitshme se si dy ngjarje të tilla të rënda me ngjashmëri të lartë rrethanash kanë ndodhur brenda ditës në Turqi.
Pak orë përpara, në Gaziantep humbën jetën 16 persona dhe mbetën të plagosur 21 persona, pasi një autobus mori gjithashtu përpara njerëzit e grumbulluar në vendngjarjen e një aksidenti tjetër.
i.b. / dita
