Teksa moderatorja Erla Mëhilli i përmendi dosjen e McGonigal që sipas saj, është shkruar se kryeministri Edi Rama është ndikuar nga ish-zyrtari i FBI-së për të ndërhyrë në licencën e naftës për kompaninë ruse, vetë kryeministri ka shpjeguar se kjo nuk qëndron, madje ka përdorur fjalën “gomarllëqe”.
“Ju këtu po përsërisni të gjitha gomarllëqet me okë që i thuhen shqiptarëve në mënyrë të intensifikuar nga ata që ke aty përfshirë edhe ty,” – u shpreh kryeministri.
Më tej ai shtoi se e vetmja gjë me vlerë është mundësia që shqiptarët të kuptojnë arsyen pse ai nuk shkoi në seancën e së enjtes në kuvend.
“Vetëm për një gjë të falënderoj, që atyre që na ndjekin ju ofrove mundësinë të shikojnë se përse nuk shkova unë në parlament sot. Unë nuk kam dalë këtu të ballafaqoj fakte alternative, sepse faktet janë fakte, nuk ka alternativa,” – përfundoi Rama.
