Një 25- vjeçare, është dërguar pa ndjenja në spitalin e Pogradecit. Nga deklarimet e së resë rezultoi se ajo ishte ngacmuar seksualisht në vendin e saj të punës nga shtetasi Arian Mema dhe për pasojë kishte humbur ndjenjat.
Mësohet se e reja vuante nga problemet e epilepsisë dhe në momentin e ngacmimit ajo ka kaluar një krizë epileptike.
E reja me origjinë nga Trebinja e Mokrës dyshohet se është ngacmuar nga i arrestuari në momentin që ky i fundit po montonte një panel diellor në subjektin ku 25 vjeçarja punonte prej disa kohësh.
Mema është proceduar edhe më herët penalisht për lidhje të kundraligjshme të ujit, gjithashtu Mema ka qene i akuzuar për shkelje kur ka qënë inspektor në Drejtorinë e Tatimeve Korçë.
Mema për disa mandate ka qënë dhe Anëtar i Këshillit Bashkiak më Pogradec.
