Një makinë është përplasur pasditen e kësaj të enjte me dyert që bllokojnë hyrjen në Downing Street, rruga e Londrës ku ndodhet shtëpia zyrtare e kryeministrit, Risi Sunak, bën të ditur Policia Metropolitane, e cila ka konfirmuar arrestimin e drejtuesit të mjetit. Ky person është arrestuar nën dyshimin për dëmtim dhe drejtim të pakujdesshëm, megjithëse nuk ka të dhëna që incidenti të ketë shkaktuar lëndime personale apo që të jetë akt terrorist për momentin. “Është hapur një hetim për të përcaktuar rrethanat”, tha Scotland Yard, në një shënim të shkurtër. Forcat e sigurisë kanë rrethuar zonat përreth si masë paraprake, sipas BBC.
Alarm në Londër, makina përplaset me dyert e Downing Street, hyrja e shtëpisë së kryeministrit Sunak
