Qendra Kombëtare e Parashikimit të Stuhive në SHBA ka paralajmëruar tornado të forta që mund të qëndrojnë në tokë për distanca të gjata në pjesë të jugut të martën, si edhe shira, breshër në formën e topave të tenisit dhe përmbytje.
Më shumë se 25 milionë njerëz do të jenë në rrezik pasi stuhitë e fuqishme të së martës do të lëvizin nëpër rajon që shtrihet nga Teksasi lindor në Indiana dhe Xhorxhia. Qytetet e prekura përfshijnë New Orleans, Memphis dhe Nashville në Tenesi dhe Birmingham, Alabama.
Pjesë të Luizianës dhe Misisipit do të jenë në rrezikun më të lartë për stuhi të forta të martën pasdite dhe në mbrëmje, me mundësinë e motit të ashpër që do të vazhdojë deri të mërkurën dhe do të zhvendoset në Alabama.
Ndodh rrallë që parashikuesit federalë të paralajmërojnë për tornado të mëdha me potencial për të shkaktuar dëme në distanca të gjata.
Tornadot me një vlerësim EF3 në shkallën e përforcuar të tornados Fujita mund të prodhojnë erëra deri në 265 km në orë.
Agjencia e Menaxhimit të Emergjencave të Misisipit u bëri thirrje banorëve që të gjejnë mënyra se ku të shkojnë për të qëndruar të sigurt.
o.j/dita
Tornado te fuqishme, o injorantet e Dites