Një telefonatë e mbërritur në zyrat e Inspektoratit të Shëndetit për konsumim të duhanit brenda ambienteve të Kuvendit ka bërë që inspektorët të nisen me urgjencë drejt lokalit të parlamentit.
Deputetët të cilët kanë qëndruar për më shumë se 12 orë në sallë në një seancë maratonë, kanë dashur të shfrytëzojnë ambientet e lokalit për te shoqëruar kafen me një cigare, por kanë mbetur të habitur kur kanë parë aty inspektorët e Shëndetit Publik.
Ata kanë njoftuar kreun e grupit të PD, Gazment Bardhi, i cili e ngriti çështjen në parlament.
“Janë disa inspektorë që kontrollojnë ambientet e punës së deputetëve. Nuk ushtron dot kontroll prokuroria pa autorizim të seancës plenare. Jeni duke shkelur rëndë kushtetutën, jeni duke u sjellë në mënyrë të papërgjegjshme me gjestin që jeni duke bërë”, tha Bardhi.
Në përgjigje të kreut te grupit ministrja Sala konfirmoi se “është inspektorati i autorizuar për të kryer kontrollet“.
Por në krah të Bardhit doli kreu i Kuvendit, Niko Peleshi.
“Duhani nuk duhet lejuar. Forma dhe procedura e inspektimit, padyshim z.Bardhi ka të drejtë. Për momentin se nuk bëhet kiameti, inspektorët të largohen“, tha Peleshi.
Pas aksionit të djeshëm në kuvend, reagoi sot edhe Inspektorati:
Inspektorati Shtetëror Shëndetësor (ISHSH) kryen inspektime për monitorimin e zbatimit të Ligjit nr. 9636, datë 6.11.2006, “Për mbrojtjen e shëndetit nga produktet e duhanit”, i ndryshuar.
Inspektimet zhvillohen mbi bazën e Programit Vjetor të Inspektimeve dhe planeve mujore përkatëse.
Programi i Inspektimeve parashikon monitorimin e zbatimit të ligjit nr. 9636 gjatë periudhës tetor–maj. Megjithatë, ky program nuk kufizon veprimtarinë inspektuese vetëm në këtë interval kohor. Çdo inspektim i kryer nga inspektorët e ISHSH përfshin edhe vlerësimin e respektimit të kërkesave të ligjit në subjektet e kontrolluara.
Në zbatim të ligjit nr. 92/2024 “Për inspektimin në Republikën e Shqipërisë”, trupa inspektuese vijon të sigurojë këshillimin e subjekteve për parandalimin dhe shmangien e shkeljeve, si dhe t’i informojë ato në mënyrë të qartë mbi pasojat ligjore të çdo veprimi apo mosveprimi gjatë procesit të inspektimit.
Vetëm për periudhën 1 tetor – 4 dhjetor 2025, ISHSH ka kryer 1411 inspektime dhe 954 këshillime dhe 10 paralajmërime në të gjithë vendin. Janë marrë 2 Vendime të Ndërmjetëm te subjekte të cilat tregtonin produkte të duhanit.
Inspektorati mbetet i angazhuar në zbatimin rigoroz të këtij ligji, dhe shtron nevojen e domosdoshmërisë se bashkëpunimit të të gjitha institucioneve dhe aktorëve për të siguruar një zbatim sa më efektiv.
Informacion mbi Denoncimin dhe Inspektimin pranë Parlamentit
Nisur nga telefonata e ardhur pranë Inspektoratit Shtetëror Shëndetësor (ISHSh) Qendror, ku denoncohej pirja e duhanit në ambientet e Bar Kafe, e cila ndodhet brenda ambienteve të Parlamentit, trupa inspektues u angazhua për kryerjen e inspektimit.
Ky veprim u krye në zbatim të Urdhrit Nr. 20 dhe 20/1, “Për kryerjen e inspektimit në zbatim të Ligjit Nr. 9636, datë 06.11.2006, ‘Për Mbrojtjen e Shëndetit nga Produktet e Duhanit’, i ndryshuar”.
Inspektimi u bazua gjithashtu në kërkesat e Ligjit Nr. 99/2024, “Për Inspektimin në Republikën e Shqipërisë”, Neni 33, Pika 1, germa “a”.
Trupa inspektues u paraqit pranë ambienteve të Parlamentit në datën 04.12.2025 në orën 13:00 dhe po në datën 04.12.2025 në orën 21:00, ku kreu inspektimin për zbatimin e Ligjit Nr. 9636.
n.s. / dita
Duhanpiresi ne zyre te vet do tymose. Zonja Meloni e mbush me tym hollin e pritjes ne BE,kurse ne zyre nuk ka kush ta ndaloje.Stalini me llulle,Curcilli me Puro e mbyten Rooseveltin,qe ishte edhe i semure.Kush nuk duron duhanin le te largohet.
Jo demo , këtë rradhë nuk ke të drejtë . Duhani është i ndaluar në të gjitha ambientet e mbyllura , përjashto shtëpinë tënde , edhe atje kur të lejojnë pjestarët e tjerë të familjes , në të kundërt edhe ata mund të ankohen në polici dhe ti dënohesh . Ndalimi rreptësisht i duhanit filloi nga SHBA-ja para shumë vitesh , u përqafua nga Evropa , duke u bërë ndalimi gjithmonë e më i rreptë , madje në 2-3 vënde verievropiane ndalohet me ligj pirja e duhanit edhe jashtë në qytet , në natyrë e në lulishte , dënohet me gjobë të rëndë . Sa për Melonin ke të drejtë , e pi duhanin , por jo në zyrë , ku nuk është asnjëherë vetëm , por siç thua dhe ti , në hollin e hapur . Është shumë i dëmshëm pirja e duhanit , demo , nëqoftëse e pin edhe ti , të këshilloj t’a braktisësh , siç ke bërë me Saliun qysh më 1991-shin .
Kam 50 vjet o Dashi qe tymos.Ne kohe te Enverit Durres Special se me dilte hesapi.Qekur e sollem vete kete demokraci te flamosur,beme halabakerit zengjina,morem kembet,t`i bien kokes,,e blej me te dredhur tek nje mik ne Rroskovec.
Po të bën keq more demo , se , nëqoftëse Saliu të mori tokat , prandaj e braktise , ky i flamosur duhan të merr kokën . Por meqë ke 50 vjet që tymos dhe e ndjen veten mirë , mos e ler fare , por rralloje . Sa për demokracinë , vërtet u ngritën këmbët e i ranë kokës , sepse uji u trazua e u turbullua kaq shumë , sa u ngritën në sipërfaqë të gjitha plehrat dhe shpresat e njerëzve të ndershëm për demokraci të vërtetë , u shuan shpejt .Hajt , shëndet demo .