Ambasada e Shteteve të Bashkuara në Tiranë ka njoftuar një kërcënim të mundshëm që mund të ndodh në Samitin Botëror të Iranit të Lirë që do të mbahet në kampin e MEK në Manzë të Durrësit në datat 23 dhe 24 Korrik.
Teksa e cilëson njoftimin si një “alarm sigurie” Ambasada e SHBA-ve në Tiranë njofton qytetarët e saj që të shmangin këtë samit dhe të mos qëndrojnë afër zonës. Ajo gjithashtu u kërkon qytetarëve amerikanë të monitorojnë mediat lokale dhe të mbajnë një profil të ulët.
Pak ditë më parë SPAK nisi hetimet për zbulimin e një celule iraniane që dyshohet se do të sulmonin kampin MEK në Manzë të Durrësit. SPAK ka marrë në pyetje disa ish-anëtarë të MEK që dyshohet se janë të rekrutuar nga Irani.
Në vendin tonë ndodhen rreth 3 mijë muxhahedinë, të cilët bëjnë opozitën në Iran nga kampi i tyre, ndërsa për Republikën Islamike të Iranit ato konsiderohen një grup terrorist.
a.m/dita
Aleati yne strategjik, Amerika, qe per hater te madh na solli ata Iraniane ne Manze, tashme po na lajmeron se na paska postuar ketej nje rrezik te madh! “Zemergjeresia” amerikane aq e larte sa nuk i mba vete keto rreziqe ne token e saj, por gjen budallenj si Edi Rama qe te na i ngjeshe neve thua se kemi pak halle tjera e duhet te mbajme dhe hallet e Amerikes.
Kampi i MEK në Manzë të Durrësit e kreu detyren, tani duhet te transferohet ne nje vend aleat me afer Iranit.