Ambasadori palestinez në OKB, Riyad Mansour, hapi fjalimin e tij duke u bërë thirrje liderëve botërorë që të ndihmojnë në “ndalimin e bombave” në mënyrë që të shpëtojnë jetën e civilëve nga sulmet ajrore izraelite.
Sipas BBC, ai ishte dukshëm i emocionuar, zëri i tij dhe duart filluan t’i dridheshin ndërsa lexonte historitë e disa prej më shumë se 3000 fëmijëve që zyrtarët në Gaza të drejtuar nga Hamasi thonë se janë vrarë që nga 7 tetori.
“Çfarë zgjedhjeje bëni si prind kur ka vetëm zgjedhje të pamundura. Kur vdekja është kudo, shkatërrimi është kudo,” u tha ai diplomatëve në Asamblenë e Përgjithshme të OKB-së.
Ai tha se Izraeli ka shkatërruar mbi 40% të shtëpive në Gaza, gjë që OKB-ja e ka pohuar në fillim të kësaj jave, dhe bëri “një popullsi të tërë të pastrehë dhe të zhvendosur”, duke akuzuar Izraelin se po përpiqet të “transportojë me forcë” njerëzit nga Gaza.
“Asgjë nuk mund të justifikojë vrasjen e një fëmije të vetme palestineze. Asgjë, asgjë fare”,- tha ambasadori palestinez Riyad Mansour në OKB.
o.j/dita