Vetëm tre muaj e gjysmë qëndroi në post qeveria e pakicës e kryeministrit Dritan Abazoviç. Në rrëzimin e qeverisë malazeze luajti rol qëndrimi i Abazoviç ndaj kishës ortodokse serbe.
Parlamenti në Mal të Zi rrëzoi qeverinë e kryeministrit, Dritan Abazoviç, natën e së shtunës (20.08). 50 nga 81 deputetë votuan natën e së shtunës me iniciativën e partisë së presidentit Milo Gjukanoviç dhe katër grupeve parlamentare.
Ekologjisti liberal Abazoviç kishte zemëruar dy javë më parë presidentin e vendit, sepse kishte nënshkruar një marrëveshje të kontestuar me kishën ortodokse serbe.
Kjo marrëveshje është mjaft e debatuar në Malin e Zi, sepse i jep të drejta të veçanta, kishës ortodokse serbe të kontrolluar nga Beogradi.
Mali i Zi shpalli pavarësinë në vitin 2006, atëherë në ujdi me shtetin serb. Sot qeveria në Beograd përpiqet përmes kishës dhe partive lokale proserbe e organizatave të tjera të ushtrojë ndikim në Malin e Zi, vend anëtar i NATO-s nga viti 2017.
Qeveria e pakicës pa mbështetje të fortë
36-vjeçari Abazoviç e mori postin më 28 prill, pasi qeveria e mëparshme proserbe u rrëzua nga parlamenti. Abazoviç ashtu si edhe presidenti Gjukanoviç konsiderohen me orientim perëndimor.
Qeveria e Abazoviçit ishte një koalicion shumë partiak i pakicës me partinë e tij URA, Të Gjelbrit, socialdemokratët, partitë etinke të shqiptarëve dhe boshnjakëve si edhe një partie proserbe.
Abazoviç do të vazhdojë të drejtojë qeverinë në detyrë, deri sa të zgjidhet kryeministri i ri./DW.
a.m/dita
E rrezoi mendje edvinit.Shiti tek serbet Pavarsine e Malit te Zi..Tradhetaret e vendit te vet vetem ne Shqiperi bejne hajer. Dritan Toptani e quajten mediat malazeze.
O edvin Toptani,,u dhie Open Ballkani,o edbin,Mbete vetem me Vucicin.
Duhet te jesh vertet RAK nga mendja qe ti shkruash keto qe ke shkruajtur.
Po nejse te shkuara
Demo ,na çave trapin
Pse e ke inat te gjatin
Je xheloz se stë ka qirë
Që s’thua nje fjalë te mirë