Manchester City dhe Real Madridi luajnë nesër në 21:00 për ndeshjen e kthimit në gjysmëfinalen e Champions League. Me përballjen e parë në Spanjë që përfundoi 1-1, të dyja skuadrat do kërkojë një biletë për më tej. Për mediet foli trajneri i “Galaktikëve”, Carlo Ancelotti. Italiani nuk mundi mos thumbonte Pep Guardiolën për deklaratat e tij, teksa ka besim te finalja.
“Ne jemi afër të bëjmë diçka të rëndësishme si sezoni i kaluar. Jemi shumë të motivuar. E dimë se do të jetë e komplikuar, por na ndihmon të jemi në nivelin tonë më të mirë të mundshëm. Jemi të lumtur që jemi këtu, por për një klub si Reali. është normale. Nga 13 sezonet e fundit, 11 herë kemi qenë në gjysmëfinale të Ligës së Kampionëve. Nuk është e lehtë dhe duhet ta shijojmë”, tha Ancelottin. Italiani ka një mesazh edhe për lojtarët e tij, për mënyrën sesi e lexojnë ndeshjen. “Një mesazh për lojtarët? Unë dua që skuadra ta lexojë mirë ndeshjen. Ata duhet të dinë se ne do të vuajmë në disa pjesë, kjo është normale në një lojë si kjo. Dhe kur kundërshtari lufton, ata duhet të luftojnë”, tha italiani. Ancelotti përmendi më pas edhe “xhevahirët” e City-t, duke treguar se nuk është e lehtë që të mësohet sekreti i ekipit të tij nga Guardiola.
“Ne nuk po mendojmë vetëm për Haaland. Ka edhe De Bruyne, Gundogan, Mahrez… Është e vështirë. Guardiola tha se nuk e di sekretin tonë? Nuk është aq e lehtë për t’u shpjeguar. Liga e Kampionëve është e veçantë për Realin. Nga pesë titujt e parë e deri më sot. Ne mund ta vazhdojmë atë histori. Ne nuk e harrojmë historinë tonë”, përfundoi Ancelotti.
