Apeli i GJKKO-së ka konfiskuar pasuritë e subjektit të OFL-së, Çlirim Marku dhe të familjarëve të tij. Gjykata e Posaçme e Apelit për Korrupsionin dhe Krimin e Organizuar la në fuqi kërkesën e SPAK, ndërsa pasuritë e tij i kanë kaluar shtetit, pasi nuk arritën që t’i justifikonin dot nëpërmjet dokumentacionit dhe interpretimeve juridike. Pasuritë e sekuestruara janë si më poshtë:
truall me sipërfaqe 206 m2, si dhe godinë banimi me 3 kate + papafingo e legalizuar me lejen e legalizimit; apartament me sipërfaqe 93.4 m2; apartament me sipërfaqe 107.8 m2; të drejtat që subjekti i aktit normativ ka fituar në cilësinë e blerësit me kontratën premtim shitjeje, mbi pasurinë e paluajtshme të llojit apartament me sipërfaqe totale 64.08 m2. Çlirim Marku ishte një ndër të dënuarit si subjekt i OFL-së, për veprën penale “shfrytëzim prostitucioni”.
