Konkurrimi për universitetin do të nisë zyrtarisht në datën 29 korrik. Deri në këtë afat,të gjithëmaturantët do të duhet të shlyejnë detyrimisht faturën e aplikimit për universitetin në një nga bankat e nivelit të dytë, ose pikat e Postës Shqiptare. Në urdhrin më të fundit të miratuar nga Qendra e Shërbimeve të Arsimit (QSHA) dhe Qendra Ndërinstitucionale e Rrjetit Akademik Shqiptar, janë detajuar afatet se kur do të bëhet aplikimi për universitetin për kuotat e vitit të ri akademik 2022-2023.
Gara edhe për pranimet e reja të këtij viti do të zhvillohet me tre raunde aplikimi, në të cilat maturantët dhe të gjithë kandidatët e tjerë që plotësojnë kushtet e përcaktuara, do të mund të garojnë duke zgjedhur deri në10 degë (preferenca) të ndryshme studimi. Para plotësimit të këtij formulari maturantët duhet të kenë shlyer tarifën e konkurrimit për universitetin në vlerën prej 2000 lekësh. Në vijim të shkrimit do të gjeni të detajuar grafikun dhe kalendarin e plotë të datave të aplikimit për universitetin, afateve të regjistrimit, ankimimit dhe çregjistrimit për të tre raundet e pranimeve të reja të parashikuara për pranimet e vitit të ri akademik 2022-2023.
Afatet e aplikimit për Raundin e parë
Të gjithë maturantët dhe kandidatët e tjerë që kanë përfunduar me sukses studimet e shkollës së mesme, dhe që plotësojnë kriterin e mesatares minimale të konkurrimit, do të mund të nisin aplikimin për kuotat e pranimit që do të plotësohen në raundin e parë zyrtarisht në datën 29 korrik. Maturantët kanë afat deri në datën 3 gusht për të bërë plotësimin e formularit me të dhjetë preferencat e konkurrimit për kuotat e pranimit të raundit të parë. Lista e fituesve për këtë raund do të bëhet ndërmjet datave 29-30 gusht.
Mbetet i njëjtë edhe për këtë vit, procesi që do të ndiqet për regjistrimin e fituesve të shpallur nga aplikimet e raundit të parë. Sipas procedurave të përcaktuara, për raundin e parë, regjistrimet e fituesve do të zhvillohen në datat 2 deri në 15 shtator. Procedura e regjistrimit të fituesve të këtij raundi do të zhvillohet në 7 faza 48-orëshe. Çka do të thotë se vija e fituesve do të spostohet me përfshirjen e fituesve të rinj për çdo fazë 48-orëshe të mbylljes së regjistrimeve. Kështu çdo aplikant fitues duhet të paraqitet pranë institucionit të arsimit të lartë ku është shpallur fitues për të bërë regjistrimin si student brenda 48-orëve. Në të kundërt e humbet degën e studimeve që ka fituar.
Pas përfundimit të afateve të regjistrimit, aplikanti fitues në këtë raund, ka të drejtë që të ndryshojë degën e studimit, për të hyrë sërish në garë për kuotat e raundit të dytë. Ky kandidat, pasi ka bërë regjistrimin me dokumentacion dhe ka nënshkruar në regjistër si fitues, ka të drejtë që të çregjistrohet në datat e përcaktuara 16 dhe 17 shtator, për të vijuar sërish aplikimin për kuotat e raundit të dytë. Për këtë ai duhet të paraqesë një kërkesë për çrregjistrim pranë sekretarisë mësimore të fakultetit ku dhe është regjistruar, duke tërhequr dokumentet e dorëzuara. Nëse nuk e kryen këtë proces brenda afatit të vendosur, ky kandidat nuk ka më të drejtë që të ndryshojë degën e studimit për vitin e ri akademik.
Afatet e aplikimit për Raundin e dytë
Aplikimet për raundin e dytë do të iniciojnë në përfundim të regjistrimeve të fituesve të shpallur në raundin e parë. Konkurrimi në këtë raund, do të zhvillohet vetëm për kuotat e mbetura të paplotësuara nëçdo program studimi. Kështu maturantët dhe kandidatët e tjerë do të mund të plotësojnë formularin me dhjetë preferenca, duke u bazuar vetëm në vendet e lira të raportuara nga çdo strukturë e arsimit të lartë në vend. Sa i takon afateve të aplikimit për këto kuota, maturantët do të mund të konkurrojnë në raundin e dytë duke plotësuar formularin në datat 22-24 shtator.
Regjistrimet për fituesit në raundin e dytë do të zhvillohen në datat 3deri në datën 12 tetor, ku do të zhvillohen në 5 faza 48-orëshe, sikundër ndodh edhe në pranimet e raundit të parë. Ndërsa çregjistrimet për ata që duan të ndërrojnë degën e studimit në këtë raund do të zhvillohen në datat 13-14 tetor.
Afatet e aplikimit për Raundin e tretë
Ndërsa aplikimet për kuotat e lira të raundit të tretë do të zhvillohen gjatë muajit tetor. Sipas afatit të përcaktuar në urdhrin e QSHa-së maturantët dhe kandidatët e tjerë që nuk janë regjistruar në asnjë program studimi universitar deri në këtë fazë, do të mund të garojnë për kuotat e Raundit të tretë duke plotësuar formularin e preferencave në datat 19-21 tetor. Procedura do të jetë e njëjtë edhe në këtë raund. Procesi i regjistrimit të fituesve në këtë raund do të bëhet në 3 faza 48-orëshe që do të zhvillohen përkatësisht në datat 28 tetor-2 nëntor.
Kushtet për të konkurruar për universitetin
Janë përcaktuar tashmë kushtet për të gjitha kandidatët që kanë të drejtë të aplikojnë për t’u pranuar në institucionet e arsimit të lartë, për vitin akademik2022–2023. Në programet e studimeve të ciklit të parë dhe në programet e integruara të studimeve të ciklit të dytë, mund të garojnë të gjithë maturantët dhe kandidatët, që kanë përfunduar me sukses arsimin e mesëm të lartë, minimalisht me note mesatare 6.5.
Në programet e studimit të gjuhëve të huaja, aplikimi do të jetë i hapur për të gjithë kandidatët që kanë mesatare minimalisht 7. Në programet e studimit të ciklit të parë “Bachelor”, të cilat japin akses në programet e ciklit të dytë master në fushën e mësuesisë, mund të konkurrojnëtë gjithë maturantët që kanëminimalisht notë mesatare të studimeve të shkollës së mesme duke nisur nga nota 7.5.
Kandidatët, të cilët kanë përfunduar arsimin e mesëm të lartë, minimalisht me notë mesatare 6.5, mund të aplikojnë edhe në programet e studimit të gjuhëve të huaja dhe në programet e studimit të ciklit të parë “Bachelor”, të cilat japin akses në programet e ciklit të dytë “Master” në fushën e mësuesisë, por këta kandidatë pajisen nga Qendra e Shërbimeve Arsimore me numër të veçantë matrikullimi, i cili nuk i lejon të ndjekin më pas programet e ciklit të dytë “Master” në fushën e mësuesisë.
Përjashtohen nga detyrimi i plotësimit të kriterit të notës mesatare kandidatët që aplikojnë përt’u pranuar në programet e studimeve dyvjeçare, me karakter profesional, si dhe kandidatët me origjinëshqiptare nga Republika e Kosovës, Maqedonia e Veriut, Mali i Zi, Presheva, Medvegja dhe Bujanovci që do të konkurojnë për kuotat e veçanta të këtyre kategorive.
Në rastet e transferimit të studimeve nga brenda apo jashtë vendit, në vitet e ndërmjetme të programeve të studimit, brenda të njëjtit cikël, studentët duhet të plotësojnë kriterin e notës mesatare të përcaktuar me vendimin përkatës të Këshillit të Ministrave të vitit akademik, që studenti është pranuar në institucionin e arsimit të lartë, duke filluar nga viti akademik 2016–2017 dhe në vijim.
Si llogaritet mesatarja e universitetit
Nota mesatare për pranimin në institucionet e arsimit të lartë përllogaritet si mesatare e thjeshtë e treguesve të tillë: Mesatarja aritmetike e thjeshtë e notave përfundimtare vjetore të lëndëve për të gjitha vitet e shkollimit në arsimin e mesëm të lartë, si dhe mesatarja aritmetike e thjeshtë e notave të provimeve të Maturës Shtetërore. Institucionet arsimore të arsimit të mesëm të lartë dhe institucionet arsimore vendore, përgjegjëse për arsimin parauniversitar, janë përgjegjëse për përllogaritjen e notës mesatare dhe dërgimin e këtyre të dhënave në Qendrën e Shërbimeve Arsimore.
Si do aplikohet në portalin online?
- Aplikimi për çdo maturant dhe kandidat që plotëson kushtet e përcaktuar do të kryhet nga portali online “u-albania”, duke aksesuar në adresën: ualbania.al. Pasi të hyni në këtë faqe duhet të klikoni mbi butonin “Aplikimi A2/A3”.Në faqen pasardhëse, ju shfaqen 2 butona, ku ju duhet të klikoni mbi butonin “Maturant”, për të hyrë në hapësirën e maturantit.
- Më pas, për t’u futur në platformë do shkruani ID-në tuaj të maturës dhe numrin personal të Letërnjoftimit (ai që fillon dhe mbaron me shkronjë), për të kryer identifikimin.Në seksionin e faturës, mund të shkarkoni faturën për arkëtim, me të cilën do të kryeni pagesën pranë Postës Shqiptare ose në bankë. Në seksionin e aplikimit, deri në momentin që nuk është bërë konfirmimi i faturës nga mbikëqyrësi, do ju shfaqet mesazhi “Nuk mund të aplikoni sepse nuk keni konfirmuar pagesën!”. Pas konfirmimit të faturës, do ju shfaqen fushat për të zgjedhur preferencat.
- Bëni kujdes, fatura që duhet të shlyeni në bankë, përmban një kod 6-shifror unik (kodi i aplikimit), i cili gjenerohet për çdo faturë. Ky kod do ju duhet për të konfirmuar pagesën pranë mbikqyrësit të shkollës, dhe për të përfunduar plotësimin e preferencave gjatë plotësimit të formularit A2.Pasi të keni kryer pagesën, paraqituni me pjesën e poshtme të faturës (të shënuar më sipër me ngjyrë) dhe me mandatin e pagesës te mbikëqyrësi i shkollës suaj, për të konfirmuar pagesën në sistem.Kujdes! Mund të konfirmoni pagesën vetëm me kodin e faturës me të cilën e keni kryer pagesën në bankë.
- Pasi pagesa e faturës suaj të jetë konfirmuar do ju shfaqet mesazhi “Fatura juaj është konfirmuar” në seksionin e faturës dhe vetëm më pas ju do të mund të nisni me plotësimin e dhjetë prefrencave. Lexoni me kujdes rregullat e degëve për mesataren. Tashmë ju mund të plotësoni preferencat tuaja, fillimisht duke zgjedhur Universitetin dhe më pas Programin e studimit. Ju keni mundësi të zgjidhni deri në 10 preferenca. Pasi të keni plotësuar preferencat dhe të jeni të bindur për zgjedhjet që keni kryer, klikoni mbi butonin “Konfirmo”.