Deveja zë një vend të veçantë dhe një rol unik në jetën e qytetarëve të Arabisë Saudite si dhe në zhvillimin e trashëgimisë kulturore të Mbretërisë, prandaj vendi e ka shpallur vitin 2024 si “Viti i Devesë”.
Tradita e përcakton devenë si kafshë kombëtare të Arabisë Saudite për shkak të kontributit të saj në jetesën e popullit të saj dhe gjurmës së saj në trashëgiminë kulturore të vendit në fushën e artit, artizanatit, letërsisë dhe stilit të jetesës së qytetarëve të Mbretërisë.
E frymëzuar nga deveja, Ministria e Kulturës e Arabisë Saudite do të organizojë ngjarje, ekspozita, programe edukative dhe aktivitete në fusha të tilla si arti, moda, prodhimi i ushqimit, traditat e kuzhinës dhe qëndrueshmëria.
Viti i Devesë përkon me shpalljen e vitit 2024 si Viti Ndërkombëtar i Devesë nga Kombet e Bashkuara, duke theksuar rëndësinë e tyre për trashëgiminë kulturore dhe lidhjen e fortë midis njerëzve dhe deveve.
“Mes sfidave me të cilat përballet komuniteti global me ndryshimet klimatike, sigurinë ushqimore dhe kërcënimin ndaj sigurisë së biodiversitetit, deveja po shfaqet si një simbol i përjetshëm i qëndrueshmërisë pasi mund të udhëtojë deri në 150 kilometra në shkretëtirë pa ujë.
Deveja përfaqëson vlerat e durimit , këmbënguljes dhe përshtatshmërisë, ndërsa në të njëjtën kohë është një shoqëruese besnike e njeriut pasi mund të ambientohet në mjedise të ndryshme. Devetë kanë gdhendur shtigje të reja dhe janë karakterizuar historikisht si ‘anijet e shkretëtirës’, pasi ndërtuan ura nëpër rajone, duke lidhur drejtpërdrejt njerëz nga kultura të ndryshme”, thuhet në deklaratën e Ministrisë së Kulturës.
p.c. / dita
