15 kartonë të verdhë, grushta në fushë dhe faulle pafund, kjo ishte panorama e ndeshjes Argjentinë-Holandë, e cila rezulton e fundit në këtë botëror për arbitrin Antonio Mateu Lahoz.
Spanjolli është dënuar nga FIFA, ndërkohë nuk do të gjykojë më asnjë nga 4 ndeshjet e mbetura të Kupës së Botës.
Çerekfinalja e 9 dhjetorit regjistroi gjeste antisportive në fushën e lojës, lojtarë të cilët ofenduan dhe sulmuan njëri-tjetrin, ndërkohë nuk i shpëtuan ndëshkimit të Lahoz. Ky i fundit u kritikua nga FIFA për vendimet e tij, teksa lojtarët dhe stafet e të dyja skuadrave shpërthyen ndaj 45-vjeçarit nga Valencia.
Në dosjen që qeveria botërore e futbollit ka përgatitur janë 48 shkelje të sanksionuara, 30 për albiçelestët dhe 18 për tulipanët.
Detaje të tjera po dalin dita ditës, ndërkohë që hetimi nga FIFA do të vijojë ende. Jo vetëm ndaj Lahoz, por edhe ndaj Argjentinës, ku në përfundim të ndeshjes ka pasur një përplasje të ashpër mes trajnerit Luis Van Gal dhe sulmuesit Lionel Messi.
Argjentina ishte skuadra që avancoi më tej, ku në gjysmëfinale do të përballet me Kroacinë.
o.j/dita
Argjentina e meritoi kualifikimin me Hollanden. Shtesa prej 2×15′ tregoi fitimtarin. Hollandezet nuk bene sikur nje kundersulm ne shtesat , po ashtu edhe e zoteruan me pak topin, duke deshmuar se prisnin vec penalltite, nderkohe qe pritej vazhdimesia e 20 minutshit te fundit te lojes se rregullt, ne te cilen hollandezet shenuan dhe barazuan, nderkohe qe argjentinasit me ne krye Mesin pesuan nje shok c’orientues. Eshte i pashpjegueshem ulja e ritmit dhe kthimi ne mbrojtje prej hollandezeve.
Pamvaresisht tolerimeve te arbitrit kryesisht ndaj argjentinasve, hollandezet u pane ne lojen e vet vec per 20 minuta.
Van Gaal gaboi taktikisht me lojen ne mbrojtje, duke pasur ne perberje lojtare me te dhena fizike dhe teknike shume te mire, krahasuar me formacionet e ekipeve te tjera. Maroku i tregoi Van Gaal shpirtin e gares ne nje finale kualifikuese.