Vrapuesi italian vdes pas sulmit të ariut në malin Peller. Atleti Andrea Papi u gjet i vdekur pranë një rruge pyjore në qytetin Contre, pranë Tentrinos, me një plagë në stomak, gërvishtje të ndryshme dhe disa pickime. Sipas analizave të para, atleti i cili kishte shkuar për vrap në zonë mund të ishte sulmuar nga një ari, hipotezë që tashmë duhet të vërtetohet nga autopsia.
Pas një ore stërvitje, Papi, 26 vjeç, kontaktoi familjen e tij, të cilëve u dërgoi një video që tregonte pamjet nga mali Peller, ku kishte vendosur të nisej në rrugën e tij. Mirëpo, pas vonesës së kthimit të tij dhe pa kontaktuar me të për disa orë, filloi kërkimi, në të cilin morën pjesë më shumë se njëqind burra, përfshirë zjarrfikës, shpëtimtarë malorë dhe Kryqin e Kuq.
Qentë ishin ata që gjetën një gjurmë gjaku, e cila çoi në trupin e vrapuesit. Ndonëse sulmet e arinjve janë të rralla, ky nuk ishte incidenti i parë i këtij lloji në zonë, pasi në muajin mars një alpinist, i shoqëruar nga qeni i tij, u sulmua nga një i tillë.