Dy ditë pas sulmit të ushtarëve në Uzinën e armëve në Gramsh nga 2 rus dhe 1 ukrainas, ambasada ruse në Tiranë ka tentuar të marrë informacion të detajuar nga Ministria e Jashtme, por ende nuk e ka një përgjigje. Kështu thuhet në reagimin e ambasadës ruse për gazetaren e Report Tv, Danjela Maloku.
“Pasi nuk morëm asnjë informacion nga autoritetet zyrtare shqiptare lidhur me ndalimin e shtetasve rusë të dyshuar për infiltrim më datë 20 gusht të këtij viti në objektin ushtarak në qytetin e Gramshit, Ambasada Ruse në Shqipëri dërgoi më datë 22 gusht të këtij viti një notë në Ministrinë për Evropën dhe Punët e Jashtme të Shqipërisë me kërkesën për të vënë në dijeni misionin diplomatik rus, në mënyrën e përcaktuar, për identitetin e të ndaluarve, vendndodhjen e tyre aktuale, thelbin e akuzave të ngritura, veprimet e mëtejshme procesuale ndaj tyre, si edhe mundësinë e organizimit të një takimi të përfaqësuesit të Degës Konsullore të Ambasadës me shtetasit rusë të ndaluar.
Ambasada ka ndërmarrë gjithashtu në mënyrë të përsëritur përpjekje për t’u lidhur me MEPJ-në e Shqipërisë nëpërmjet telefonit apo postës elektronike. Megjithatë, deri në ditën e sotme të gjitha kërkesat tona kanë mbetur pa përgjigje. Përkatësisht, për rrethanat e incidentit, fatin e shtetasve rusë të ndaluar, si edhe akuzat e ngritura ndaj tyre ne mund të gjykojmë, bazuar vetëm në njoftimet e medias.
Për sa më sipër, nuk mund të mos ngjallë keqardhje fakti që pala shqiptare shmang zbatimin e ispozitave të Konventës së Vjenës për Marrëdhëniet Konsullore 1963, e cila përcakton detyrimin e organeve kompetente të vendit pritës për të informuar menjëherë përfaqësuesit konsullorë për ndalimin dhe incidente të tjera që ndodhin me shtetasit e vendit që ata përfaqësojnë”, ishte reagimi i ambasadës ruse.
a.m/dita
Sigurisht, sigurisht.
Po, a njoftoi Ruzzia kur i dergoi me detyre ne Shqiperi?
O Fatkeq meso te shkrush.
E para, ambasada ruse ka gabuar adresë prandaj nuk ka mar përgjigje, ministri real i jashtëm është poliministri Edi Rama, Xhaçka është thjesht ministre dekorative të cilën nuk e ka në hesap njeri.
E dyta kam frikë se hetimi i spiunëve rusë do të ketë rrjedhën e hetimit të komandatit injorant të xhandarmarisë së një fshati çek që zbuloj te Shvejku që kishte humbur rrugën për në repart një spiun shumë të rrezikshëm rus sidomos kur e pyeti Shvejkun që a mund të fotografonte një objekt ushtarak dhe Shvejku u përgjigj që nuk është problem se nuk është nevoja ti thuash objektit ushtarak mos lëviz, buzqesh dhe shiko tek aparati fotografik.
Njerëz, po të kishim kundrazbulim dhe SHISH të mirfillt dhe profesionist dhe jo xhandar të Shvejkut, treshja e dyshuar për spiunazh mund të survejohej në largësi dhe të përcaktohej qartë veprimtaria e tyre , kontaktet, madje…… të infiltërohej me ndonjë kombinacion të mirëmenduar agjenti ynë dhe ……..
zanati nuk ka fund dhe mendoj që po të ishin spiunë vetëm një veprimtari profesioniste agjenturore e mënçur mund të sillte prova dhe të dhëna me vlera shpesh me interesa të jashtëzakonshme për shtetin ton dhe
jo një arrestim sikurse arrestohet nga një grup policësh të rëndomtë një bandë keq bërsish që vjedhin pulat e fshatit.
Komentues ” !!? ” ke shume te drejte, Albanistani ehte nje shtet pa shtet, por ambasada ruse duhet t’i drejtohej me tamam tamam ministres se jashte shoqes Kimete, te tjeret jane dordolec dhe per te vjedhur.
Spiune me sprajt me spec djeges nga ato qe mbajne kurvat ne semafor.
Te njejten gje bene edhe turistet ceke, por ceket jane te mire dhe ruset te keqinj, per te njejtin veprim ka dy standarte.