Janë bërë publike emrat e personave për të cilët SPAK ka lëshuar urdhër-arreste, pas arrestimit të ish-kryebashkiakut të Durrësit Vangjush Dakos ditën e djeshme, më 6 qershor.
SPAK ka lëshuar urdhër-arrest për Adhurim Qehajajn, Adrian Bulkun, Fiqiri Farukun, Ermal Laman, Fatmir Ejupin, Adnan Tocillën, si edhe Meri Seminin.
Gjithashtu urdhër-arrest nga SPAK u lëshua edhe për Ferzilet Hajdërin dhe Djana Dedjan, lidhur me një dosje që ka të bëjë me një leje ndërtimi për një pallat dhënë gati rreth 12 vjet më parë dhe që është dëmtuar nga tërmeti i vitit 2019.
Hetimi bëhet me dije se hetimi për shkeljet ka nisur rreth 1 vit më parë dhe Vangjush Dako është thirrur në SPAK edhe në muajin mars të këtij viti lidhur me këtë dosje.
Ndërsa ditët e fundit janë marrë në pyetje edhe zyrtarë dhe ish-zyrtarë të bashkisë së Durrësit.
Ndaj tyre rëndojnë akuzat për shpërdorim detyre, falsifikim dokumentesh dhe korrupsion.
Dyshohet se çështja ka të bëjë me një pallat në lagjen nr.18 të qytetit, të ndërtuar në vitin 2011 që ka pësuar dëmtime nga tërmeti i 2019.
Procedimi ka nisur bazuar në kallëzimin e banorëve të pallatit të ndëruar nga shoqëria “Fakle” Sh.p.k me administrator F. F., banues në lagjen nr. 5 në Durrës.
j.l./ dita
