Efektivë të komisariatit numër 2 të Tiranës, pas sinjalizimeve, kanë ndaluar mbrëmë në ish Bllok biznesmenin Mark Kola, pronar i disa lokaleve në Tiranë dhe bizneseve të tjera.
Gjatë kontrollit, policia i ka gjetur shtetasit Mark Kola një pistoletë dhe një krehër me municion luftarak, të cilat iu sekuestruan në cilësinë e provës materiale, së bashku me automjetin e tij luksoz.
Sipas mediave biznesmeni 34-vjeçar, në momentin e ndalimit, ka qenë në makinë me vajzën e një oligarku.
Portali Prapaskena shkruan se zonjusha, e cila duhet të procedohet për moskallëzim krimi, po fshihet nga policia dhe strukturat shtetërore.
Sipas Prapaskenës, mbrëmë ka pasur shumë telefonata sa kërcënuese, aq edhe të papërshtatshme, për të mbuluar këtë ngjarje.
