Ofrimi i bukës dhe pijes para çdo gjëje tjetër është një ‘trik’ që kanë pronarët e restoranteve që t’i bëjnë klientët që të konsumojnë më shumë ushqime.
Neuroshkencëtari Daniel Amen thotë se produkte si buka dhe pija para vaktit ndikojnë në tru dhe e bëjnë më të vështirë për njerëzit që të kontrollojnë urinë e tyre.
Si buka ashtu edhe alkooli çlirojnë serotonin në tru, duke ju bërë të ndiheni më të lumtur dhe më të qetë.
Mund të tingëllojë e çuditshme pasi të dyja këto produkte na fryjnë por ndodh që serotonina bie shumë shpejt dhe kjo bën që njerëzit ta kërkojnë më shumë, duke mbushur stomakun.
“Kur shkoni në një restorant, gjëja e parë që kamarierët bëjnë është të vendosin bukë në tavolinë dhe t’ju pyesin nëse doni alkool, sepse të dyja ndikojnë lobet ballore,” thotë Amen, duke shtuar se të dy produktet e bëjnë më të mundshme që ju të porosisni më shumë dhe të shpenzoni më shumë para në restorant.
Megjithatë, kjo nuk është një komplot i krijuar nga pronarët e restoranteve, kuzhinierët dhe kamarierët. Është thjesht neuroshkencë.
Amen shpjegoi se buka dhe alkooli shkaktojnë rënie në lobin frontal.
Lobi frontal është pjesa e trurit të njeriut e përfshirë në të gjitha llojet e funksioneve të rendit më të lartë, gjëra të tilla si planifikimi, zgjidhja e problemeve, motivimi, gjykimi, sjellja sociale dhe kontrolli i impulsit.
Sa i përket bukës, Amen shpjegoi se efekti ka të bëjë shumë me sheqerin në gjak.
“Buka është një investim nga ana e tyre, sepse buka ju jep një rritje të sheqerit në gjak, që më pas shtyn serotoninën në trurin tuaj dhe ju bën të lumtur”, tha ai.
Dhe konsumimi i alkoolit ka të njëjtin efekt.
Megjithatë, kur serotonina thahet, lobi frontal bie dhe personi ka vështirësi të kontrollojë emocionet dhe nxitjet e tij.
Një tjetër efekt anësor është se ngrënia e bukës mund të rrisë sheqerin në gjak dhe më pas të ulet shpejt, duke ju bërë të ndiheni më të uritur dhe të porosisni më shumë.
a.c./dita
