Duket se raportet e Paolo Maldinit dhe Milanit janë thyer aq shumë sa që legjenda e klubit kuq e zi nuk gjeti kohë të merrte pjesë as në funeralin e Presidentit legjendar të Milanit, Silvio Berlusconi.
Mungesa e ish-kapitenit të Milanit ka shkaktuar diskutime të shumta, mes kritikëve dhe të tjerëve që shpjegojnë arsyen e mospjesëmarrjes, duke mbrojtur legjendën e “Rossonerëve”.
Mungesa e ish-lojtarit ka bërë shumë bujë.
Arsyeja zyrtare është për faktin se Maldini aktualisht ndodhet jashtë Italisë, pikërisht në Miami, por kjo nuk i ka qetësuar komentet dhe hamendjet në rrjetet sociale për këtë mospjesëmarrje të tij në ceremoninë e varrimit.
Me Berlusconin në krye të Milanit, Maldini dhe shokët e tij fituan pesë Kupa Evropiane ndër të tjera.
Një korrespondencë e ndjenjave dashurore me klubin që vazhdoi për të dy edhe kur rrethanat i detyruan të largoheshin nga klubi.
Kujtojmë se, funerali i Silvio Berlusconit u mbajt dje në Katedralen e Milanos, me një ceremoni ku morën pjesë shumë njerëz dhe personazhe të njohur që u përkasin fushave të ndryshme në të cilat punoi ish-Kryeministri i Italisë.
p,k\dita
