Gazetari investigativ Artan Hoxha e ka quajtur sulmin ndaj Top Channel me kallashnikovë, një ngjarje “tipike mafioze”, një mesazh ndaj pronarëve të televizionit.
Gjatë një interviste televizive gazetari Artan Hoxha tha se nga informacioni që disponon, familja Hoxha edhe më përpara kanë lëvizur të shoqëruara me eskortë sigurie.
“ Kanë qenë të shoqëruara, sepse ose kanë qenë nën kërcënim, ose kanë nuhatur rrezik. Dua të kujtoj një skenë, kam qenë në një lokal dhe në tavolinë kisha tre vetë, dy aksionere, një në Digitalb dhe një në Top Channel dhe ishin me eskortë, vetëm unë isha me duar në xhepa.
A ka patur kërcënime? Nuk më çudit. Me botuesit ka patur vazhdimisht probleme. Sot Top Channelit i ka vajtur një grup të FNSH. Sa është vlerësuar ky kërcënim? Në këto kushte nuk ka zgjidhje tjetër, përveç bashkëpunimit me agjencitë e zbatimit të ligjit.
Kjo ngjarje ishte qartazi një kërcënim. Nuk synonte të eleminonte askënd fizikisht. Ky është rast tipik mafioz. Ky kërcënim ka dy drejtime, një ndaj objektit kryesor dhe drejtimi i dytë, për të treguar se nëse të kanë dhënë garanci nga pushteti, po të tregojmë se këtë garanci e ke kot sepse ne nuk pyesim as për pushtetin,”- tha ndër të tjera Artan Hoxha.
m.b./dita
