Detaje të reja jane zbardhur në lidhje me atentatin me armë ndaj ish-deputetit të PS Armando Prenga, pasditen e së mërkurës në Fushë-Kuqe të Kurbinit. Në lidhje me rastin është marrë në pyetje Islam Ismaili, babai i autorit të dyshuar Fatbardh Ismaili.
Në deklarimet e tij në polici, Islam Ismaili ka deklaruar se është dhunuar nga vëllai i ish-deputetit socialist, Armando Prenga gjatë numerimit të votave në KZAZ -në 15 në Kurbin, por nuk ka dijeni se nëse djali i tij ëhstë autor i atentatit duke shtuar se nuk ka asnjë informacion mbi vendndodhjen e tij. Gjithashtu në pyetje, policia mori dhe Arben Prengën, i cili pranoi konfliktin me babain e autorit të krimit, por shtoi se nuk kishte asnjë dijeni se çfarë kishte ndodhur në aksin të Fushë-Kuqes, ku Armando Prenga u qëllua me armë.
