Një aksident ka ndodhur te Rruga e Elbasanit në afërsi të Fakultetit Ekonomik në Tiranë.
Raportohet se një autobus ka dalë nga rruga dhe janë lënduar 7 pasagjerë, nga njoftimet e fundit.
Mësohet se personat e plagosur ndodhen jashtë rrezikut për jetën.
Gentjan Qosja është shoferi i autobusit të përmbysur. Mësohet se ai ka humbur kontrollin dhe autobusi është kthyer përmbys.
Gjithashtu autobusi ka goditur edhe dy makina të tjera të parkuara.
Ndërkohë Policia ndodhet në vendngjarje dhe po punon për zbardhjen e plotë të aksidentit.
Reagimi i Policisë:
Tiranë/Informacion paraprak: Më datë 26.03.2023, rreth orës 15:45, në Rrugën e Elbasanit, shtetasi G. Q., 42 vjeç, duke drejtuar autobusin e linjës së Krrabës, dyshohet se ka humbur kontrollin mbi drejtimin e autobusit dhe si pasojë autobusi ka dalë nga rruga dhe është përmbysur. Si pasojë janë dëmtuar 3 shtetas të cilët ndodhen nën kujdesin e mjekëve, jashtë rrezikut për jetën. Pas testit të alkoolit, drejtuesi i autobusit nuk ka rezultuar nën efektin e pijeve alkoolike. Në vendngjarje ndodhen shërbimet e ambulancës dhe shërbimet e Policisë.
j.l./ dita
