Një autobus i linjës së Unazës në kryeqytet është përfshirë në një aksident mëngjesin e kësaj të diele.
Mësohet se autobusi është përplasur me një motor në rrugën “Ferit Xhajko”.
Për pasojë ka marrë lëndime një 12-vjeçar, i cili ishte pasagjer në motor.
Policia njofton se i mituri ndodhet në spital.
Ndërkohë, grupi hetimor po punon për sqarimin e rrethanave të aksidentit.
Njoftimi i Policisë:
Tiranë/Informacion paraprak
Më datë 02.07.2023, rreth orës 08:45, në rrugën “Ferit Xhajko”, shtetasi P. R., duke drejtuar autobusin e linjës së Unazës, është përplasur me motomjetin me drejtues shtetasin H. Gj. Si pasojë është dëmtuar një i mitur 12 vjeç, (pasagjer në motomjet), i cili ndodhet në spital, nën kujdesin e mjekëve. Grupi hetimor po punon për sqarimin e rrethanave të aksidentit.
j.l./ dita
