Aventurat kushtojnë një tjetër jetë në vend. Një 50-vjeçar mbeti viktimë e përpjekjeve të tij ekstreme në peshkim, duke përdorur eksploziv. Policia e Shkodrës bëri me dije se viktima është P.J., banues në fshatin Apripe-Guri ku ndodhi aksidenti tragjik, në Fushë-Arrëz të rrethit Pukë. Ngjarja e rëndë raportohet se ka ndodhur rreth orës 18:20, pranë liqenit të Fierzës, që ndodhet në afërsi të fshatit të viktimës. “Viktima dyshohet se ka humbur jetën nga shpërthimi i lëndës plasëse, me të cilën ai po peshkonte në liqenin e Fierzës. Grupi hetimor po kryen veprimet për sqarimin e rrethanave të kësaj ngjarjeje dhe verifikimet ende po vijojnë për zbardhjen e dinamikës”, thanë burime zyrtare.
Kerko
