Avokati i ish-deputetit socialist Alqi Bllako, këmbëngul se çështja penale ndaj tij duhet pushuar. Sokol Hazizaj tha se në seancën paraprake, Gjykata nuk u shpreh për kërkesën për gjykim të shkurtuar. “Unë vazhdoj të them se akuza sa i përket në themelit të saj në korrupsion, nuk ekziston tek Alqi Bllako. Ndonëse gjykata arriti ta artikulonte përgjysmë atë që ne i kemi thënë. Ne do të vazhdojmë t’i mëshojmë faktit për të artikuluar atë që nuk ka ndodhur me Alqi Bllakon.
Ndaj për këtë, çështja penale ndaj Alqi Bllakos duhet pushuar. Është një dispozitë, është për funksionarë të lartë publikë dhe të zgjedhur, tjetra vetëm për funksionarë. Unë e kam thënë se nuk është funksionar i lartë publik asnjëherë. Është detyrë e Gjykatës së Themelit për miratimin ose jo të gjykimit apo rritjes së gjykimit të shkurtuar”, tha Hazizaj.
