Avokatja e të Drejtës Penale Ndërkombëtare në Hagë dina Jasini në një intervistë televizive tha se urdhër-arresti i lëshuar nga gjykata Ndërkombëtare e Hagës për presidentin rus Vladimir Putin për akuzën e krimeve krimeve të luftës në Ukrainë, do ta ndjekë atë për gjithë jetën. Sipas saj, kjo do të thotë se Putin arrestohet nëse shkel në një nga 104 vendet që e njohin këtë Gjykatë.
“Implikimi që ka ky urdhër-arrest është se mendoj se z.Putin do të jetë subjekt i një arresti gjatë gjithë jetës së tij, pra kjo do ta shoqërojë gjatë gjithë jetës. Pavarësisht nga vullneti, se kjo varet tërësisht nga vullneti politik i vendit në të cilën ai shkel.
Avokatja u shpreh se Putin nuk ka imunitet diplomatic pasi për krimet e luftës, krimet kundër njerëzimit dhe genocidit, këto shkelje kaq të rëndësishme të të drejtave të njeriut dhe avancimi i të drejtës penale ndërkombëtare ka sjellë këtë që asnjë kryetar shteti apo zyrtar i lartë qoftë civil apo ushtarak nuk mund të fshihet kurrsesi më pas imunitetit juridik të kryetarit të shtetit.
m.b./dita
