Nga Arben Duka (1957-2021)
Botuar në DITA
Me plot shkëlqim-si yll i ndritur,
në zemër vargu po më ndrin,
këndoj me shpirt të përtëritur:
“Lavdi atyre që do vijnë!”
Male urrejtjesh do të shembin,
për të skalitur dashurinë,
ndaj kënga ime tund gjithë vendin:
“Lavdi atyre që do vijnë!”
Ata-të lartë porsi lisa,
do të lodrojnë me stuhinë,
ndaj dhe kam thënë që kur e nisa:
“Lavdi atyre që do vijnë!”
Ata kufijtë do t’i prishin,
do mbjellin në çdo skaj Lirinë,
ndaj mijëra zëra sot më grishin:
“Lavdi atyre që do vijnë!”
Në paralele-meridianë,
si grurë do mbjellin mirësinë,
rreh zemra ime si kambanë:
“Lavdi atyre që do vijnë!”
I gjithë mundimi njerëzor,
do të mbështillet në qefin,
ndaj më gjëmon në kraharor:
“Lavdi atyre që do vijnë!”
Do zhdukin skamjen edhe shtresat,
vampirët dhe makutërinë,
gjëmojnë zëmrat si fortesat:
“Lavdi atyre që do vijnë!”
Do vijë Botë e ëndërruar,
nga ne që pak prekëm lirinë,
gjëmojnë zërat e bashkuar:
“Lavdi atyre që do vijnë!”
Do ketë Bota në fytyrë,
si tatuazh-fisnikërinë,
në zërin tim ndihet çdo ngjyrë:
“Lavdi atyre që do vijnë!”
ARBEN DUKA
Eshte nje gjeni i madh i Kombit tone. Krijimtaria e tij letrare eshte tejet edukative, atdhetare, frymezuese dhe e pashtershme! Mendoj se Gazeta DITA i ben nje vleresim më se objektiv.
Te vleresosh pozitiven, ta perhapesh ate dhe te nxitesh njohjen sa me te thelle te krijimtarise poetike dhe tematike te Arben Dukes, eshte nje vlere e pallogariteshme, qe do te kthehet ne mirenjohje nga mbare lexuesit nga brezi ne brez. Ky eshte nje mision dhe kjo gazete kombetare e nderuar po e ben nje gje te tille.
Faleminderit, Gazeta Dita!
I perjetshem kujtimi dhe vepra shume dimensionale e gjeniut Arben Duka!
o ZOT O ZOT O O BEN DUKA. NESE KA ZOT AI MUND TE KETE VETEM PAMJEN TENDE… O I PAVDEKSHEM…
O Dalta , po Duka ishte adhurues i diktatorit gjakatar Enver Hoxha dhe komunizmit, kurse në demokraci adhuronte drogaxhiun Rama. Si mund të ketë Zoti pamjen e Dukës? Ç’thua kështu! Po blasfemon!!
https://gazetadita.al/arben-duka-nuk-ka-ndryshuar-dita-ka-ndryshuar-edvini/
https://gazetadita.al/o-enver-te-ishe-gjalle/
https://gazetadita.al/ju-marrte-purtha-shalet-para-enverit-jeni-te-gjithe-pleshta-poeti-shperthen-per-bunker-artet-e-bolinos-a-ka-ne-italine-tende-vend-komanda/
https://gazetadita.al/enveri-ne-mes-te-kembeve-kishte-dy-gjyle-celiku/
https://gazetadita.al/edi-rama-eshte-nje-bekim-per-shqiperine/
https://gazetadita.al/zgjedhjet-dhe-mund-te-shtyhen/
SHQIPËRI TË KAM DHJERË!
Dikur komunizmi me yllin në flamur,
ra, dhe liria në zemër na mbiu,
demokracia erdhi por nuk e pamë kurrë,
pritëm diellin por na zuri shiu!
E deshëm Shqipërinë si gjithë Europa,
u mbytëm në skandale e korrupsion,
qeveritë në 3 dekada na bënë veç gropa,
meritokracia akoma këtu s’ekziston.
Shqiptarët emigruan nga ky vend,
u larguan jashtë për jetë më të mirë,
ikën mjaft intelektualë vërtet me mend,
këtu s’jetohej, s’mund të ishin të lirë.
S’ishin ishin të lirë sepse s’kishin punë,
edhe kur kishin duhej konformitet,
pra “rroftë partia, asaj t’i hani mun”,
ti je thjesht një hiç, partia të bën mbret!
Qepe gojën, qeverisë bëji veç lajke,
në feisbuk e kudo në rrjete sociale,
thuaj si qeveria jonë s’ka në botë,
edhe pse Shqipërinë ka kthyer në hale!
E njëjta histori 30 vite demokraturë,
merr pushtet e militantët punëso,
premto përralla e mos realizo kurrë,
se ky popull e ka hak, kështu e do.
Prandaj zhvateni, talleni, zhdëpeni në dru,
shpopullojeni në masë këtë milet të mjerë,
i lini veç një furrë buke dhe një tualet,
një kafshatë për të ngrënë, WC për të dhjerë!
Mjafton kaq dhe populli hedh votën,
30vjet riciklon të njëjtët politikanë,
s’duan intelektualë që thonë të vërtetën,
duan liderë hajdutë, sadisë hajvanë!
Këta hajvanë “porsi lisa”,
tallen me popullin, me demokracinë,
prandaj e thashë që kur e nisa,
komunisto-spiunat vyshkën lirinë!
Këta ishin ata që s’duhet të vinin,
sollën veç vuajtje dhe varfëri,
shkatërruan ekonominë, kulturën, rendin,
për vete u pasuruan në pangopësi.
I gjithë mundimi na shkoi kot,
bjeri sa të duash, s’hapet asnjë derë,
sakrificat tona s’kanë më rëndësi,
Shqipëri e dashur, të kam dhjerë!